26.1: Arranġamenti għall-kondiviżjoni tal-informazzjoni dwar iċ-ċibersigurtà.

Is-CSIRT għandha tiżgura li l-entitajiet li jaqgħu fil-kamp tal-applikazzjoni ta’ dan l-ordni u, meta rilevanti, CSIRTs oħra ta’ entitajiet li ma jaqgħux fil-kamp tal-applikazzjoni ta’ dan l-ordni, ikunu jistgħu jiskambjaw bejniethom fuq bażi volontarja l-informazzjoni rilevanti dwar iċ-ċibersigurtà, inkluża l-informazzjoni relatata ma’ theddid ċibernetiku, kważi inċidenti, vulnerabbiltajiet, tekniki u proċeduri, indikaturi ta’ kompromess, tattiċi avversarjali, informazzjoni speċifika dwar l-awtur ta’ theddida, twissijiet taċ-ċibersigurtà u rakkomandazzjonijiet rigward il-konfigurazzjoni tal-għodod taċ-ċibersigurtà biex jiġu identifikati ċ-ċiberattakki, fejn din il-kondiviżjoni tal-informazzjoni:

(a) ikollha l-għan li tipprevjeni, tidentifika, tirrispondi għal, jew tirkupra mill-inċidenti jew timmitiga l-impatt tagħhom;

(b) ittejjeb il-livell taċ-ċibersigurtà, b’mod partikolari billi tgħarraf dwar it-theddid ċibernetiku, tillimita jew timpedixxi l-propensità li tali theddid jinfirex, tappoġġa firxa ta’ kapaċitajiet difensivi, rimedju u divulgazzjoni tal-vulnerabbiltajiet, tekniki ta’ identifikazzjoni, konteniment u prevenzjoni tat-theddid, strateġiji ta’ mitigazzjoni, jew stadji ta’ rispons u rkupru jew tippromwovi r-riċerka kollaborattiva dwar it-theddid ċibernetiku bejn l-entitajiet pubbliċi u privati:

Iżda l-arranġament għall-kondiviżjoni tal-informazzjoni dwar iċ-ċibersigurtà għandu jkun bla ħsara għall-pjan tas-sigurtà tal-operaturi tal-entitajiet li jaqgħu fil-kamp tal-applikazzjoni ta’ dan l-ordni, skont l-artikolu 19(1)(ċ)(iii).